Միացեալ Նահանգներու նախագահ Տոնըլտ Թրամփի որոշումներով բռնկած մաքսավճառներու համաշխարհային պատերազմին լոյսին տակ ամէն օր կը յայտնուին նորանոր հետեւանքներ: «Ռոյթըրզ» լրատու գործակալութիւնը հաղորդեց, որ ամերիկեան տոլարին դիմաց աճած է եւրոյին արժէքը: Եւրօն նաեւ հասած է 11 տարիներու ընթացքին եուանին նկատմամբ իր գերագոյն աստիճանին, իսկ եւրոյին նկատմամբ ամերիկեան տոլարին փոխարժէքըը հասաւ անցնող երեք տարիներուն իր բարձրագոյնին: Չինաստանի առեւտուրի նախարարը Ուաշինկթընը պատասխանատու համարեց աշխարհին մէջ ստեղծած ելեւմտական ճգնաժամին համար, աւելցնելով որ ամերիկեան վարչակազմը այսօր պէտք է կրէ կատարուած արարքին հետեւանքները: Իսկ ՄԱԿ-ի մէջ Չինաստանի մնայուն ներկայացուցիչը ամերիկեան մաքսավճարներու բարձրացումին նկատմամբ բողոք ներկայացուց Առեւտուրի միջազգային կազմակերպութեան մօտ: «Ռոյթըրզ» երէկ հաղորդեց, որ ամերիկեան արտադրութիւններուն նկատմամբ Չինաստանի սահմանած մաքսավճարներուն համեմատութիւնը 84 առ հարիւրէն բարձրացած է 125 առ հարիւրի:
