Հանրապետութեան նախարար Ժոզէֆ Աուն պատմական համարեց յոյն-լիբանանեան յարաբերութիւններն ու համագործակցութիւնը: Լիբանանի պաշտպանութեան նախարար Միշէլ Մնասսայի ներկայութեամբ Յունաստանի պաշտպանութեան նախարար Նիիքոլաուս Տենտասի հետ տեսակցութեան ընթացքին նախ Աուն շեշտեց յարաբերութիւնները զարգացնելու կարեւորութիւնը՝ ի նպաստ երկու ժողովուրդներուն եւ երկիրներու յառաջընթացին: Աուն դրուատեց յունական աջակցութիւնը Պէյրութին եւ ԵՈՒՆԻՖԻԼ-ի ուժերու շարքին յոյն զինուորական ծառայութիւնը, ինչպէս նաեւ լիբանանեան զինուորական հաստատութիւններուն Աթէնքի տուած աջակցութիւնը:
