Ելեւմուտքի նախարար Եասին Ժապէր յայտնեց, որ միջազգային ընտանիքը այսուհետեւ օգնութիւն պիտի չտրամադրէ Լիբանանին, եթէ վստահ չըլլայ, որ յատկացուած գումարները կը ծախսուին առողջ ձեւով: «Լիբանան այլընտրանքներ չունի, այլ պէտք է անյապաղ գործադրել առաջարկուած բարեկարգումները՝ վարչական ու ելեւմտական ոլորտներուն մէջ», որ արդէն իսկ լիբանանեան կարիք է, նախքան միջազգային պահանջ ըլլալը:
