Լիբանանցիները կը գտնուին քաղաքապետական եւ թաղապետական ընտրութիւններու սեմին: Երկար տարիներու յետաձգումէն ետք, Մայիսին չորս շաբաթավերջերու ընթացքին քաղաքացիները պիտի ընտրեն տեղական կառավարումի մարմինները եւ քաղաքացիական կեանքի կազմակերպումի այնքան կարեւոր տարր համարուող թաղապետները: Հակառակ հերթական յետաձգումի հաւանականութեան մասին շրջանառուող շշուկներուն, ներքին գործերու նախարար Ահմատ Հաժժար երէկ Լեռնալիբանանի գաւառներուն մէջ ընտրող քաղաքացիները պաշտօնապէս հրաւիրեց քուէարկութեան, որ պիտի կազմակերպուի 4 Մայիսին՝ Լեռնալիբանանի Ժպէյլ, Քսըրուէն, Մեթն, Պաապտա, Ալէյ եւ Շուֆ գաւառներուն մէջ: Պէյրութի եւ մնացեալ շրջաններուն ընտրութիւնները պիտի կայանան յաջորդող շաբաթներուն:
