Հայաստանի անունով մարդասիրական օգնութիւնը Սուրիա տեղափոխող բեռնատարները ուղեւորուած են հայ-թրքական սահմանի Մարգարայի անցակէտ։
Կառավարութեան նիստին որոշուած էր, որ Հայաստանի եւ Թուրքիոյ միջեւ գտնուող «Մարգարա» անցակէտը 10 օրով պիտի բացուի՝ Թուրքիոյ տարածքով Հայաստանի կողմէ Սուրիա ուղարկուող մարդասիրական օգնութեան բեռները արագ եւ նուազ ծախսերով հասցնելու համար:
Հայաստանի եւ Սուրիոյ համապատասխան գերատեսչութիւններուն միջեւ աշխատանքային հանդիպումներու բերումով քննարկուած էր մարդասիրական աջակցութիւն ցուցաբերելու հարցը։
Տասնամեակներ շարունակ փակ անցակէտը նախորդ անգամ բացուեցաւ 2023-ին՝ Թուրքիոյ մէջ տեղի ունեցած երկրաշարժին հետեւանքով տուժածներուն Հայաստանէն մարդասիրական օգնութիւն ուղարկելու համար:
Սուրիա ուղարկուած մարդասիրական բեռը կը ներառէ սնունդ եւ բժշկական պարագաներ, որոնք պիտի օգնեն մեղմել պատերազմի եւ ճգնաժամի հետեւանքները բարեկամ սուրիացի ժողովուրդին համար:
