Իսրայէլեան բանակը յայտարարեց, թէ ընդարձակած է Կազայի մէջ գործադրուած ցամաքային նոր գործողութիւնը՝ ներառելով հարաւային Ռաֆահ շրջանը եւս: Բանակը հաղորդագրութեամբ մը յայտարարեց, թէ անցնող ժամերուն յարձակումներ գործած է Ռաֆահի շրջանին մէջ՝ թիրախաւորելով պաղեստինեան կազմակերպութիւններուն պատկանող դիրքեր: Ըստ իսրայէլեան յայտարարութեան, ռազմական գործողութիւնները միաժամանակ կը շարունակուին Կազայի կեդրոնական ու հիւսիսային հատուածներուն մէջ եւս, հակառակ զինադադարի մասին վերջերս կնքուած պայմանաւորուածութեան:
