«Ժատիտ» հեռատեսիլի կայանը երէկ երեկոյեան հաղորդեց, թէ ընդհանուր դատախազը որոշած է հետապնդել տնտեսութեան եւ առեւտուրի նախկին նախարար Ամին Սալամը՝ խորհրդարանի Տնտեսութեան հարցերով մնայուն յանձնաժողովէն ստացած տեղեկութիւններուն հիման վրայ: Նախապէս, նշեալ յանձնաժողովի նախագահ, երեսփոխան Ֆարիտ Պուսթանի իր եւ յանձնաժողովին անունով նախկին նախարար Ամին Սալամն ու խորհրդականներ Քարիմ Սալամն ու Ֆատի Թամիմը ամբաստանած էր դրամ իւրացնելու եւ յափշտակութեան, ինչպէս նաեւ պետական գումարներ մսխելու յանցանքներով:
