Արտաքին գործերու նախարար Եուսէֆ Ռաժժի յայտնեց, որ Լիբանան անհրաժեշտ ամէն քայլ կը ձերռնարկէ՝ ապահովելու համար հարաւային շրջաններէն իսրայէլեան բռնագրաւող ուժերու դուրս բերումը: Նախարարին համաձայն, հաղորդակցութիւնները կը շարունակուին սուրիական կողմին հետ՝ լուծելու համար ապահովական խնդիրները եւ իրականացնելու սահմանագծում: «Իսրայէլի հետ յարաբերութիւններու բնականոնացումի նիւթ չկայ, նաեւ պիտի չըլլան քաղաքական ուղղակի բանակցութիւններ», հաւաստիացուց Ռաժժի: «Մենք պէտք է յիշենք, թէ ով պատճառ հանդիսացաւ, որ իսրայէլեան բանակը մուտք գործէ հարաւի գիւղերը, որուն հետեւանքը եղաւ նիւթական եւ մարդկային մեծ կորուստ», ըսաւ Եուսէֆ Ռաժժի:
