Ատրպէյճանի Պաշտպանութեան նախարարութիւնը յայտարարած էր Վարդենիսի, Վերին Շորժայի հատուածներէն իր դիրքերը թիրախաւորելու մասին:
Արձագանգելով ատրպէյճանական մեղադրանքներուն՝ ԱԳՆ խօսնակը փաստերու բացակայութենէն խօսած է, եթէ փոխանցուին, ըսած էր ՊՆ-ն, հայկական կողմը պատրաստ է զանոնք հետաքննելու:
Անի Պատալեանը Ատրպէյճանին կոչ ըրած է խորհրդակցութիւններ սկսելու Խաղաղութեան պայմանագրի համաձայնեցուած բնագիրը ստորագրելու տեղի եւ ժամկէտներու մասին։
«Հայաստանի Հանրապետութեան Կառավարութիւնն ամենաբարձր մակարդակով յայտարարել է, որ իրադրութիւնը սրելու խնդիր եւ նպատակ չունի եւ շարունակում է գործել խաղաղութեան օրակարգի սկզբունքներով։ ՀՀ բանակը Կառավարութեանը ենթակայ մարմին է եւ գործում է այս տրամաբանութեամբ»,- յայտնած է ԱԳՆ խօսնակը։
Զինուելու, սահմանամերձ հատուածներու մէջ հարուածային սպառազինութիւն տեղակայելու մեղադրանքներուն Պատալեան այսպէս արձագանգած է՝ Հայաստանը ուժային բեմագրի կրնայ պատրաստուիլ՝ դիմակայելու հնարաւոր յարձակումի, իսկ ատիկա որեւէ երկրի օրինական իրաւունքն է․ «Սահմանամերձ հատուածներում Հայաստանի բոլոր քայլերը տեղաւորւում են բացառապէս պաշտպանական տրամաբանութեան մէջ»։
