Ամերիկեան լրատուամիջներ հաղորդեցին, որ Միացեալ Նահանգներու նախագահ Տոնըլտ Թրամփ Իրանի իսլամական յեղափոխութեան հոգեւոր գերագոյն առաջնորդ այաթոլլա Ալի Խամինէիին յղած նամակին մէջ տուած է բանակցութեամբ հիւլէական հարցի նոր համաձայնութեան յանգելու երկամսեայ պամանաժամ, զգուշացնելով թէ ամերիկեան այս առաջարկը անտեսելու եւ հիւլէական ծրագրի գործադրութիւնը շարունակելու պարագային, Թեհրան կրնայ ենթարկուիլ ամերիկեան կամ իսրայէլեան հարուածներու: Ըստ ամերիկեան տեղեկութիւններուն, Թեհրան բաւարար եուրանիում ունի՝ արտադրելու հիւլէական վեց ռումբ, եթէ շարունակէ հարստացնել այդ պաշարը եւ 60 առ հարիւրէ հասցնէ 90 առ հարիւր աստիճան հարստացումի:
