ԱՅՆԹԱՊԻ ԻՆՔՆԱՊԱՇՏՊԱՆՈՒԹԵԱՆ ՀԵՐՈՍԱՄԱՐՏԻ ՔԱՅԼԵՐԳ

Խօսք՝ Յ. Աղայեանի

Եղանակ՝ Լեւոն Յ. Լեւոնեանի (Թ. Լեւոն)

Հեռու կեցէք, դուք վախկոտներ,

Մենք նոր սերունդ նոր Հայկեան.

Մկրտուած ենք հայ արիւնով

Դիւցազներուն որ ինկան:

Մկրտուած ենք հայ արիւնով

Դիւցազներուն որ ինկան:

Ձայնը ահեղ մեր ռումբերուն,

Ի զէն հայեր կը գոռան․

Նահատակաց թարմ դիակներ,

Հողին տակէն կը խայտան:

Ա՜խ, հայրենիք, դու Կիլիկիա,

Սրբէ՛ արցունքդ ալ յետին,

Զի քո սիրոյդ տառապանքիդ

Ապրիլ գիտցաւ Այնթապցին: