Ռուսիոյ Անվտանգութեան խորհուրդի փոխնախագահ Տմիթրի Մետվետեւ յայտնեց, որ իրենց նպատակն է առաւելագոյն վնասը պատճառել Քիեւի իշխանութիւններուն, իսկ «Ուքրանիոյ մէջ պատերազմի դադրեցումը կը նշանակէ վարչակարգի հաստատ աւարտը»: Խօսելով ուքրանացիներուն տրամադրուած ամերիկեան զինամատակարարումները դադրեցնելու նախագահ Տոնըլտ Թրամփի որոշումին մասին, Մետվետեւ կարծիք յայտնեց, որ այդ պարզապէս ժամանակաւոր քայլ մըն է, որովհետեւ ուքրանական մետաղներուն հարցով համաձայնութեան յանգելէ ետք արարգօրէն պիտի շարունակուի զէնքերու փոխադրումը: Նշենք, որ Թրամփ նախապէս յայտարարած էր, որ նամակ ստացած է իր ուքրանացի պաշտօնակիցէն, որուն մէջ Վոլոտիմիր Զելենսքի պատրաստակամութիւն յայտնած էր բանակցելու եւ վերջ տալու պատերազմին:
Պելառուսիոյ նախագահ Ալեքսանտըր Լուքաշենքօ իր կարգին Ռուսիոյ, Ուքրանիոյ եւ Միացեալ Նահանգներու նախագահները հրաւիրեց Մինսք՝ կայացնելու խաղաղութեան բանակցութիւններ:
