Վարչապետ Նաուաֆ Սալամ երէկ ժողով մը գումարեց ելեւմուտքի նախարար Եասին Ժապէրի եւ Լիբանանի Կեդրոնական դրամատան կառավարիչի պաշտօնակատար Ուասիմ Մանսուրիի հետ՝ քննարկելու ելեւմտական թղթածրարներ: Ժապէր յայտնեց, որ Կեդրոնական դրամատան նոր կառավարիչը պիտի նշանակուի մինչեւ Մարտի աւարտը՝ երաշխաւորելու համար հաստատութեան գործունէութեանց հեզասահ ընթացքը:
Սալամի այցելուներէն էին նաեւ միջազգային ֆինանսաւորումի հաստատութեան տնօրէնը, փոխվարչապետ Թարէք Միթրին եւ տնտեսական նախարարը: Սալամ տեսակցեցաւ նաեւ հանրապետութեան նախկին նախագահ Էմին Ժմայէլի հետ՝ արծարծելու լիբանանեան քաղաքական ու ապահովական հարցերը:
