Հանրապետութեան նախագահ Ժոզէֆ Աուն մաղթեց, որ Արաբական լիկայի գագաթաժողովին որոշումները հետապնդուին ու գործադրուին: Գահիրէի օդակայանէն Պէյրութ վերադարձի ճամբուն վրայ, իր եգիպտացի պատօնակից Ապտ էլ Ֆաթթահ Սիսիին յղած հեռագրին մէջ, Աուն երախտագիտութիւն յայտնեց գագաթաժողովի կազմակերպումին եւ լիբանանեան պատուիրակութեան տրամադրուած փառաշուք ընդունելութեան համար: Աուն իր պաշտօնակիցը հրաւիրեց Պէյրութ, մաղթելով որ այցելութիւնը կ’իրականանայ մօտիկ ապագային:
Գագաթաժողովի աշխատանքներուն մասնակցելու կողքին, Աուն Գահիրէի մէջ տեսակցեցաւ իր սուրիացի պաշտօնակից Ահմատ Շարահի հետ, արծարծեց լիբանանեւսուրիական յարաբերութիւնները եւ համաձայնեցաւ զսպել սահմանային իրավիճակը: Աուն խորհրդակցութիւն ունեցաւ նաեւ նախագահին եւ Պահրէյնի թագաւորին հետ:
