Գահիրէի մէջ տեղի ունեցաւ արաբական լիկայի անդամ պետութիւններու ղեկավարներուն արտակարգ գագաթաժողովը՝ «Պաղեստինի գագաթաժողով» խորագրին տակ: Քննարկումներուն աւարտին հրապարակուած եզրափակիչ յայտարարութիւնը Իսրայէլէն պահանջեց, որ անյապաղ քաշուի լիբանանեան բռնագրաւեալ հողերէն եւ յանձնէ գերիները: Ժողովը վաւերացուց նաեւ Կազան վերակառուցելու վերաբերեալ եգիպտական առաջարկը, հակառակ իսրայէլեան ընդդիմութեան: Արաբական աշխարհին ղեկավարները միջազգային ընտանիքէն պահանջեցին անհրաժեշտ աջակցութիւն՝ գործադրելու համար ծրագիրը եւ դնելու վերջնական խաղաղութեան հիմքերը, որպէսզի պաղեստինցիները վայելեն անկախ պետութիւն ունենալու իրենց արդար իրաւունքը:
