Զուարթնոց օդակայանէն եւ Հայաստանի սահմանային այլ հատուածներէ ետք, ռուս սահմանապահները հեռացան նաեւ հայ-թրքական սահմանային գօտիէն: Վարչապետ Նիկոլ Փաշինեան համացանցային յայտարարութիւններով յայտնեց, որ հայ սահմանապահները տեղակայուած են Մարգարայի սահմանային անցակէտին վրայ, որ տակաւին փակ կը մնայ Անքարայի որոշումով: «Այս անցակէտը վերակահաւորուած էր 2022-ի ամռան», ըսաւ Փաշինեան եւ շնորհակալութիւն յայտնեց ռուս սահմանապահներուն՝ իրենց տարիներ շարունակուած ծառայութեան համար:
