Սուրիոյ «Սանա» լրատու գործակալութիւնը հաղորդեց, որ առնուազն երեք մարդ մահացած է եւ 20 ուրիշներ վիրաւորուած են, երբ անծանօթ պայմաններու տակ պայթում մը տեղի ունեցած է Սուրիոյ արեւելեան սահմանային Ալպուքամալ շրջանին մէջ: Սուրիոյ Քաղաքացիական անվտանգութեան ծառայութեան համաձայն, յարձակումը թիրախ դարձուցած է վառելանիւթի կայարան մը, մօտակայ շէնքերուն պատճառելով նաեւ նիւթական մեծ վնաս:
Իսկ երէկ երեկոյեան, իսրայէլեան լրատուամիջոցներ հաղորդեցին, որ ռազմական օդանաւեր նոր յարձակում մը գործած են Սուրիոյ Թարթուս քաղաքի նաւահանգիստին վրայ: Նշենք, որ Սուրիոյ պատերազմին ընթացքին Թարթուսը բազմիցս ենթարկուած էր իսրայէլեան հրթիռային հարուածներու:
