Լիբանանը հարուածած ձիւնամրրիկէն օրեր ետք, լեռնային շարք մը շրջաններու մէջ տակաւին կը տիրապետէ սաստիկ ցուրտը: Երթեւեկութեան վերահսկողութեան գրասենեակը երէկ հաղորդեց, թէ ձիւնի կուտակումի եւ սառոյցի շերտերու պատճառով փակ կը մնան Այնաթա-Արզ, Քֆարտըպիէն-Պաալպաք եւ Աքուրա-Պաալպաք, Հըրմէլ-Տընիէ եւ Հըրմէլ-Քոպայէթ, Թաննուրին-Հատաս եւ Մաասէր Շուֆ-Քըֆրայա լեռնանցքերը: Իսկ բարձր գիւղական շարք մը ճամբաներ գիշերուայ ուշ եւ արեւածագի կանուխ ժամերուն տակաւին վտանգաւոր են՝ սառոյցի պատճառով:
