Սուրիական հեռատեսիլի կայանը հաղորդեց, որ իսրայէլեան ռամական օդանաւեր երէկ վերստին հարուածած են Դամասկոսի հարաւային գիւղական շրջանները: Նախապէս, իսրայէլեան ուժեր ներթափանցած էին սահմանային Քընէյթրա գաւառ՝ իրականացնելով ապահովական գործողութիւններ:
Յորդանանի թագաւորական պալատը յայտարարեց, որ Ապտալլա Բ. թագաւորը Սուրիոյ անցումային շրջանի նախագահ Ահմատ Շարաային հետ տեսակցութեան ընթացքին քննարկած է սահմանային անվտանգութեան թղթածրարը եւ զէնք ու թմրանիւթ մաքսանենգելու փորձերը կանխելու անհրաժեշտութիւնը: Թագաւորը դատապարտած է սուրիական հողերը թիրախաւորող իսրայէլեան ոտնձգութիւնները, Ամմանի ամբողջական աջակցութիւնը յայտնելով Սուրիոյ գերիշխանութեան, հողային ամբողջականութեան եւ անվտանգութեան:
