Այսօր պաշտօնապէս կը սկսին Սուրիոյ ազգային երկխօսութեան նիստերը՝ պատերազմին ընկերակցած պառակտումները բուժելու, ներքին հաշտութեան յանգելու եւ նոր սահմանադրութիւն մշակելու նպատակով, յայտարարեց երկխօսութիւնը նախապատրաստող յանձնաժողովը: «ՍԱՆԱ» լրատու գործակալութիւնը հաղորդեց, որ նախագահ Ահմատ Շարաա իր եգիպտացի պաշտօնակիցէն ստացած է հրաւէր՝ մասնակցելու Արաբական լիկայի արտակարգ գագաթաժողովին, որ Գահիրէի մէջ պիտի գումարուի 4 Մարտին, քննարկելու համար արաբական աշխարհի ապահովական, քաղաքական եւ այլ հրատապ թղթածրարները:
