Լիբանանեան բանակը յայտարարեց, թէ շարունակած է տեղակայումը սահմանամերձ այն շրջաններուն մէջ, ուրկէ քաշուած են իսրայէլեան ուժերը, «թէեւ անոնք չեն գործադրած զինադադարի համաձայնութիւնը եւ կը շարունակեն տեղակայուիլ լիբանանեան որոշ բարձունքներու վրայ, խախտելով լիբանանեան գերիշխանութիւնը եւ վտանգելու երկրին ու քաղաքացիներուն ապահովութիւնը»: Ըստ բանակի յայտարարութեան, զինուորները ընկերակցած են իրենց բնակարանները վերադարձող քաղաքայիններուն եւ ապահոված անոնց անվտանգութինը՝ կործանելով պատերազմէն մնացած զինամթերքը, որ վտանգ կը սպառնար լիբանանցիներուն: Այս ծիրին մէջ, բանակը հրապարակեց Մարքապա գիւղին մէջ ականուած բնակարանի մը լուսանկարները:
