Պէյրութի նաւահանգիստի պայթումին թղթածրարը հետապնդող քննիչ Թարէք Պիթար երէկ սկսաւ շարունակել աշխատանքը եւ հարցաքննեց երկու ամբաստանեալ, ներկայութեամբ անոնց պաշտպան փաստաբաններուն: Ըստ Լիբանանի լրատու գործակալութեան, Պիթար որեւէ ոոշում չէ կայացուցած անոնց նկատմամբ, այլ կը նախընտրէ նախ ամբողջացնել բոլոր հարցաքննութիւնները եւ ընդհանուր պատկերացում ունենալ ամբողջ թղթածրարին մասին: Իսկ հարցաքննութեան կանչուած երկու այլ անձի նիստերը յետաձգուեցան, որովհետեւ անոնցմէ մէկը հիւանդանոցն է, իսկ միւսը՝ ճամբորդած:
