Ներքին ապահովութեան ուժերու ընդհանուր տնօրէնութիւնը յայտարարեց, թէ Լիբանանի անվտանգութիւնը պահպանելու համար առնուած քայլերու ծիրին մէջ, անցնող Յունուարին կարելի եղած է ձերբակալել երկու լիբանանցի, որոնք կը փորձէին ինքնաշարժով զէնք ու զինամթերք փոխադրել Սուրիայէն Լիբանան: Անոնք խոստովանած են զէնք մաքսանենգելու հինգ գործողութիւն կատարելու մասին: Ապահովութեան ուժերը գրաւած են ինքնաշարժը եւ մաքսանենգուած զինանոցը, ապա զանոնք ձերբակալեալներուն հետ փոխանցած են դատական առնչակից մարմիններուն:
