Հանրապետութեան նախագահ Ժոզէֆ Աուն ընդգծեց պետականաշինութեան մէջ արդարադատութեան եւ դատական մարմիններու գործունէութեան կարեւորութիւնը: Պետական շուրայի խորհուրդի նախագահ դատաւոր Ֆատի Էլիասը եւ խումբ մը դատաւորներ ընդունած ատեն, Աուն Պաապտայի պալատէն դատաւորներուն կոչ ուղղեց ըլլալու արդար եւ գործելու անկախ, խուսափելով բոլոր տարաձայնութիւններէն: Աուն խոստացաւ ըլլալ արդարադատութեան եւ դատաւորներուն պահապանը՝ գործադրելու համար բոլոր օրէնքները, որպէսզի «անմեղը արդարութեան զոհը չըլլայ, իսկ յանցագործը անմեղ չդառնայ»:
