– Նշանաւոր դերասան, բեմադրիչ, գրող, արձակագիր Վահրամ Փափազեան ծնած է 1888-ին, Կ. Պոլսոյ մէջ:
– Ուսումը ստացած է նախ՝ Սէքիզ Աղաճըյի ու Մոտայի Մխիթարեան վարժարաններուն, Վենետիկի Մուրատ-Ռաֆայէլեան վարժարանի (1905–1907), ապա՝ Միլանի գեղարուեստի ակադեմիային մէջ (1908–1911)։
– Ծննդավայր վերադառնալէն ետք Փափազեան հանդէս կու գայ նախ Պոլսոյ մէջ, ապա Աթէնքի, Ժենովայի, Սոֆիայի, Զմիւռնիոյ, Մակեդոնիոյ եւ Ալապանիոյ մէջ, յատկապէս «Օթելլօ»ի, Սանատրուկի կամ Համլէթի դերերով:
– 1920-ին Փափազեան կը մեկնի Խորհրդային Հայաստան։ Հոն՝ Երեւանի նորաստեղծ պետական թատրոնին մէջ կը վերցնէ քանի մը դերեր:
– Այնուհետեւ հանդէս կու գայ Թիֆլիսի եւ Պաքուի հայկական թատրոններուն մէջ։
– 1926-1927 թուականներուն կը գլխաւորէ Թիֆլիսի Հայ թատրոնը:
– 1928-ին Փափազեանի «Օթելլօ»ի կերպարը կ’երեւայ Մոսկուայի «Մեծ թատրոն»ին, իսկ 1932-ին՝ Փարիզի «Օտէոն»ի մէջ:
– 1932–1954 թուականներուն բնակութիւն կը հաստատէ Լենինկրատ (Սան Փեթերպուրկ), ներկայացնելով Շէյքսփիրի «Օթելլօ»ն, Ճաքոմետտիի «Ոճրագործի ընտանիքը» շարք մը այլ կտորները:
– Վերջապէս, 1954 թուականին ողբերգակ արուեստագէտը կը գտնէ իր հանգրուանը Երեւան քաղաքի Սունդուկեանի անուան թատրոնին մէջ։
– Փափազեան կատարած է նաեւ գրական գործունէութիւն, ինչպիսիք՝ «Սրտիս պարտքը», «Իմ Օթելլօ»ն, «Համլէթը ինչպէս տեսայ…», «Անահիտ», «Լիր Արքայ»: Յայտնի է անոր «Յետադարձ հայեացք» յուշագրութիւնը։
– Գլխաւոր դերեր ստանձնած է նաեւ տասնեակ մը ֆիլմերու մէջ՝ «Փոսֆորի գաղտնիքը», «Աղջկայ աշտարակի գաղտնիքը», «Ուրուականները հեռանում են լեռներից», «Սիրտն է երգում» եւ այլն:
– Արժանացած է զանազան պարգեւներու եւ մրցանակներու: Թուենք մի քանին՝ «Հայկական ԽՍՀ Ժողովրդական Արսիստ» «Վրացական ԽՍՀ Ժողովրդական Արտիստ, «Ատրպէյճանական ԽՍՀ Ժողովրդական Արտիստ, «ԽՍՀՄ Ժողովրդական Արտիստ», «Լենինի շքանշան»:
– Մահացած է 80 տարեկանին, Լենինկրատի մէջ: Թաղուած է Երեւանի Կոմիտասի անուան պանթէոնին մէջ։
– Ստեփանակերտի պետական թատրոնը կը կրէր Փափազեանի անունը։
– 1959-էն ի վեր Պէյրութի մէջ կը գործէ Հ.Բ.Ը.Մ.- Հ.Ե.Ը.-ի «Վահրամ Փափազեան թատերախումբ»-ը։
– Վահրամ Փափազեանը կը նկատուէր 20-րդ դարու ոչ միայն Հայաստանի, այլ համայն Խորհրդային միութեան ամենափնտռուած դերասաններէն մին:
