Հայաստանի նորանկախ պետականութեան հիմնական սիւներէն մէկն է Հայոց Բանակը:
Հայ ժողովուրդի պաշտպանութեան եւ անոր պետականութեան յաւերժութեան գլխաւոր երաշխիքներէն մէկն է ամուր կառոյց ունեցող, ժամանակակից սպառազինութեամբ օժտուած, ազգային գաղափարներով տոգորուած Հայոց Բանակը:
Սոցիալ Դեմոկրատ Հնչակեան Կուսակցութեան Լիբանանի շրջանի 59-րդ Պատգամաւորական ժողովը՝ Հայոց Բանակի հիմնադրութեան 33-րդ տարեդարձին առթիւ իր ողջոյնը, երախտագիտութիւնը եւ շնորհաւորանքները կը յղէ համայն հայութեան եւ յատկապէս Հայոց Բանակի բոլոր շարքայիններուն, սպաներուն եւ հրամանատարական կազմին:
Երկիւղածութեամբ կը խոնարհինք ազգի եւ պետականութեան պաշտպանութեան համար տարուած գոյակռիւի ճակատներուն վրայ ինկած բոլոր նահատակներու յիշատակին առջեւ:
Փառք ու պատիւ Հայոց բանակին, յաւերժ յիշատակ նահատակներու սխրանքին:
Սոցիալ Դեմոկրատ Հնչակեան Կուսակցութեան
59-րդ Պատգամաւորական ժողովի դիւան
Պէյրութ, 28 Յունուար 2025
