ՁՕՆ՝ ՆԱՀԱՏԱԿ ԸՆԿԵՐ ՍԱՐԳԻՍ ՏԽՐՈՒՆԻԻ ՅԻՇԱՏԱԿԻՆ

Պանծալի անունովդ, Սարգիս Տխրունի

Կ’երդնուն սերունդներ ամէն տարի.

Դառնալու նուիրեալներ

Հնչակեան գաղափարի:

Եղար զոհը դաւադրութեան

Դարձար նահատակը Կուսակցութեան:

Դու՛ն, առաքեալ Սոցիալիզմի,

Հռետոր եւ ուսուցիչ բարի,

Սփիւռքացած հայութեան,

Տուիր յոյս ու հաւատք հայրենական:

Եղար զոհը դաւադիրի,

Դարձար նահատակը գաղափարի:

88 տարիներու ընթացքին,

Պահեցինք յիշատակդ նուիրեալի,

Դարձար տիպարը Հնչակեան

Փարամազին յիշարժան:

Եղար զոհը եղբայրասպանին,

Դարձար կուռքը ժողովուրդին:

Մենք, ուխտեալներս անունիդ,

Արժանաւոր սերունդներ Հնչակեան,

Պիտի գործենք հաւատքով,

Տխրունիական անշեղ ոգիով:

Անմահ Ընկեր Տխրունի,

Մեզի հետ ես այսօր եւ ընդմիշտ:

ՄԱՔՐՈՒՀԻ ԹԱԹՈՒԼԵԱՆ ԽԱՉԱՏՈՒՐԵԱՆ

31/1/2017

Պէյրութ