«Արարատ»-ը յարգելի դոկտորին համար միշտ ալ նկատուած է որպէս հարազատ օճախ: «Հիւր» գրեցինք, քանի որ յարգելի դոկտորին հետ հաճելի զրոյց մը ունեցանք անցնող Երեքշաբթի օր իր այցելութեան առիթով, գաւաթ մը սուրճի շուրջ: Մեր խօսակցութեան առանցքը կազմեց Հայկազեան հայագիտական հանդէսի 2024 տարուան երկրորդ հրատարակութեան նիւթերը:
Ուրախացանք լսելով մանրամասնութիւններ Հանդէսի այժմէականացած բովանդակութեան մասին: Հաղորդեցինք, որ քանի մը յօդուածներ ալ նախատեսած էինք «հրաւիրել» մեր էջերուն մէջ:
Խօսեցանք մօտակայ օրերուն հատորի շնորհահանդէսին նախատեսուած
ծրագրերուն մասին ալ: Դոկտ. Սեդա Պարսամեանէն զատ, կը սպասուին նաեւ Հայաստանի Հայոց ցեղասպանութեան թանգարանէն վաստակաւոր մտաւորականներ:
Հայկազեան համալսարանի Հայկական Սփիւռքի Ուսումնասիրութեան Կեդրոնի տնօրէնը մեկնեցաւ, իր հետ տանելով Միջին Արեւելքի միակ Հայագիտական հանդէսին ջահը լուսավառ պահելու «Արարատ»-ի տնօրէնութեան բարեմաղթանքները:
