Իսրայէլի վարչապետութիւնը յայտարարեց, թէ քաղաքական եւ ապահովական հարցերով զբաղող սեղմ կառավարութիւնը երէկուայ նիստին ընթացքին իր հաւանութիւնը տուած է Կազայի մէջ զինադադար յայտարարելու եւ գերիներու փոխնակումի համաձայնութեան: Եթէ վերջին պահուն ժխտական նորութիւններ չըլլան, կը սպասուի, որ համաձայնութիւնը գործադրուի վաղը՝ Կիրակի, թէեւ այս առումով կան իսրայէլեան ներքին բողոքներ: Ազգային անվտանգութեան եւ ելեւմուտքի նախարարները նիստին ընթացքին ընդդիմացած են համաձայնութեան, սպառնալով քաշուիլ կառավարութենէն:
Երեկոյեան, իսրայէլեան լրատուամիջոցները հրապարակեցին անունները այն 95 պաղեստինցիներուն, որոնք ազատ պիտի արձակուին Կիրակի օր:
Իսկ Միացեալ Նահանգներու նորընտիր նախագահ Տոնըլտ Թրամփ դիտել տուաւ, որ Կազայի մէջ զինադադարի համաձայնութիւնը կարելի պիտի չըլլար ստորագրել առանց իր միջամտութեան:
