* 2024 թուականի աշխատանքները ամփոփող ասուլիսի ժամա-նակ այս մասին յայտնած է ՀՀ պաշտպանութեան նախարար Սու-րէն Պապիկեան՝ նշելով, որ ՀՀ-ն ՀԱՊԿ-ին հարցումներ ունի, որոնք առարկայական են, պէտք է առողջ քննարկումներու բերումով պատասխաններ ստանան, քանի որ այդ պատասխաններէն կախուած է Հայաստանի հետագայ համագործակցութեան մակարդակը ՀԱՊԿ-ի հետ:
«Այսինքն՝ ՀՀ-ն չի չեղարկել Մոսկուայի հետ իր երկկողմ համագործակցութեան որեւէ փաստաթուղթ: Մենք անգամ պաշտօնապէս չենք չեղարկել ՀԱՊԿ-ին՝ մեր մաս լինելը, բայց տէ ֆաքթօ որեւէ մասնակցութիւն չունենք: Միեւնոյն ժամանակ նշեմ, որ երբ խօսում ենք երկկողմ համագործակցութեան մասին, պիտի այդ համագործակցութիւնը լինի հաւասարակշռուած, երկկողմ յարգանքի վրայ հիմնուած»,- ըսած է ան:
* Պաշտպանութեան բանակի նախկին հրամանատար Ջալալ Յարութիւնեանը մեղաւոր ճանչցուած է: Անոր մեղադրանք առաջադրուած էր ՀՀ Քրէական օրէնսգիրքի 550-րդ 3-րդ մասով:
2022 թուականի Սեպտեմբեր 2-ին Քննչական կոմիտէն յայտարարած էր Ջալալ Յարութիւնեանին մեղադրանք առաջադրելու մասին: Ըստ ՔԿ հաղորդագրութեան՝ Ջալալ Յարութիւնեանը 44-օրեայ պատերազմի ընթացքին՝ յայտարարուած ռազմական դրութեան պայմաններուն մէջ, անփոյթ վերաբերմունք դրսեւորած է իր ծառայողական պարտականութիւններուն նկատմամբ՝ չկատարելով եւ ոչ-պատշաճ կատարելով զանոնք, որուն հետեւանքով յառաջացած են ծանր հետեւանքներ։
