Իրանի նախագահի ռազմավարական հարցերով տեղակալ Մոհամմատ Ժաուատ Զարիֆ ահազանգեց, թէ Իսրայէլ պայթուցիկ նիւթեր տեղադրած է Իրանի գնած հիւլէական կարգ մը սարքաւորումներու մէջ: Զարիֆի համաձայն, Թեհրանի նկատմամբ սահմանուած միջազգային պատժամիջոցները ազդած են ոչ միայն տնտեսական ոլորտին վրայ, այլեւ յառաջացուցած են ապահովական մեծ մարտահրաւէրներ, Իսրայէլին հնարաւորութիւն տալով թիրախներ հարուածելու Իրանի մէջ: Պատժամիջոցներու հետեւանքներէն Զարիֆ խօսեցաւ նաեւ Լիբանանի մէջ Հըզպալլայի անդամներուն ձեռքին պայթած հաղորդակցութեանց սարքերուն մասին, բացատրելով թէ անոնք պատժամիջոցներուն պատճառով Լիբանան հասած են միջնորդներու ձեռամբ եւ այդտեղ եղած է իսրայէլեան միջամտութիւնը:
