Կիրակի, 12 Յունուար 2025-ին, Նոր Ատանայի Ս. Աստուածածին եկեղեցւոյ մէջ, Արժ. Տէր Սուրէն քհնյ. Արսլանեանի գլխաւորութեամբ յաւարտ Սուրբ եւ Անմահ Պատարագի, հոգեհանգստեան պաշտօն կատարուեցաւ, Ս.Դ.Հ.Կ. «Փարամազ» մասնաճիւղէն ներս ծառայութիւն ունեցած հին եւ նոր ննջեցեալ ընկերներու յիշատակին։
Ս.Դ.Հ.Կ.-ի Լիբանանի շրջանի Վարիչ մարմինի եւ «Փարամազ» մասնաճիւղի ղեկավարներուն, ննջեցեալներուն հարազատներուն եւ բարեպաշտ ներկաներուն հետ Հ.Մ.Մ.-ի արիներու եւ արենուշներու պատշաճ խմբակ մը, որպէս պատուոյ հսկիչ, հետեւեցաւ հոգեհանգստեան արարողութեան, հաճելի տպաւորութիւն ձգելով ներկաներուն վրայ:
Հոգեհանգստեան արարողութենէն ետք, «Մասիս» ակումբի սրահէն ներս տեղի ունեցաւ հոգեսուրճի հիւրասիրութիւն, ուր խօսք արին արժանապատիւ քահանան եւ ղեկավար ընկերներ:
Ծանօթ. Հոգեհանգստեան արարողութեան եւ «Մասիս» ակումբին մէջ կատարուած ոգեկոչումին մասին աւելի մանրամասն պիտի փոխանցենք շուտով՝ յատուկ թղթակցութեամբ եւ լուսանկարներով:
«Ա.»
