Արաբական Միացեալ Էմիրութիւններու Արտաքին գործերու նախարարութիւնը յայտարարեց, թէ առ ի գործադրութիւն նախագահ Մոհամմատ Պըն Զայէտի ցոցմունքներուն, եւ նախագահ Ժոզէֆ Աունի հետ հաղորդկացութեանց լոյսին տակ, էմիրաթական բարձրաստիճան պատուիրակութիւն մը Կիրակի օր պիտի ժամանէ Պէյրութ եւ ամբողջացնէ դեսպանատան վերաբացումի աշխատանքները: Իսկ դիւանագիտական տեղեկութիւններ նշեցին, թէ Քուէյթի իշխանութիւնները կը մտադրեն շուտով նոր դեսպան նշանակել Պէյրութի մէջ ու որոշած են յաւելեալ օգնութիւն տրամադրել լիբանանցիներուն՝ զանազան ոլորտներու մէջ:
