Սուրիոյ անցումային արտաքին գործերու նախարար Ասաատ Շիպանի յայտնեց, որ Սէուոտական Արաբիա պատրաստակամութիւն յայտնած է մասնակցելու Սուրիոյ վերականգնումին եւ անվտանգութեան պահպանումին: Նախարարը նշեց, որ սէուտական կողմին հետ խորհրդակցութեան ընթացքին բացայայտած է տնտեսական բարգաւաճումի ծրագիր մշակելու եւ Սուրիոյ տարածաշրջանային քաղաքական դերակատարութիւնը վերականգնելու վճռակամութիւնը, զօրակցելու տարածաշրջանի կայունութեան ու անվտանգութեան: Ռիատ, միւս կողմէ, զօրակցութիւն յայտնած է Սուրիոյ նոր իշխանութեան ու ժողովուրդին, աջակցելով երկրի խաղաղութեան, կայունութեան եւ տարածքային ամբողջականութեան: Իսկ ՄԱԿ-ի մէջ Ռուսիոյ ներկայացուցիչը իր կարգին յայտնեց, թէ Սուրիոյ նոր իշխանութենէն դրական նշաններ կը ստանան՝ ռուս զինուորներու Սուրիոյ մէջ տեղակայումը շարունակելու վերաբերեալ:
