Լիբանանի Հանրապետութեան նոր նախագահի ընտրութեան հերթական նիստը սկզբունքով պիտի գումարուի 9 Յունուարին, ուստի քաղաքական եւ դիւանագիտական նախապատրաստութիւնները կը շարունակուին՝ նախագահի ընտրութիւնը վերջապէս իրականացնելու յոյսով: Լիբանանի մէջ Եգիպտոսի դեսպան Ալաա Մուսա յայտնեց, որ հաղորդակցութիւնները կը շարունակուին լիբանանեան քաղաքական խմբաւորումներուն հետ՝ թեկնածուներուն անունները երկու կամ երեք անձի շուրջ սահմանափակելու ջանքով, որպէսզի դիւրանայ անոնցմէ մէկուն նախագահ ընտրութիւնը:
