Իսրայէլեան բանակը յայտարարեց, թէ երեք զինուոր վիրաւորուած է Կազայի կեդրոնական հատուածին մէջ երէկ շարունակուած գործողութիւններուն ընթացքին, երբ ականուած ծրարի մը պայթումը թիրախաւորած է խուզարկումներ իրականացնող իսրայէլեան ջոկատը: Ըստ բանակի բանբերին, ծանր վէրքեր կրած զինուորը մաս կը կազմէ պահեստային ուժերուն:
Համաս շարժումի «Քասսամ» զինեալ թեւը միւս կողմէ յայտարարեց, թէ իսրայէլացի քանի մը զինուոր սպաննած է եւ պաղեստինցի ձերբակալեալներ ազատագրած՝ Կազայի հիւսիսային Պէյթ Լահիա շրջանին մէջ կատարուած գործողութեան ընթացքին, որ թիրախաւորած էր իսրայէլեան ուժերու տիրապետութեան տակ գտնուող բնակարան մը:
