Սուրիոյ իշխանափոխութենէն ետք Դամասկոս այցելող լիբանանեան բարձրաստիճան առաջին անձնաւորութիւնը եղաւ Ընկերվար յառաջդիմական կուսկցութեան նախկին առաջնորդ Ուալիտ Ճոմպլաթը, որ նախանցեալ օր Սուրիոյ մայրաքաղաքին մէջ տեսակցեցաւ նոր իշխանութեան գործնական առաջնորդ Ահմատ Շարաայի հետ, մասնակցութեամբ երեսփոխան Թէյմուր Ճոմպլաթի եւ խումբ մը այլ երեսփոխաններու: Ժողովականները անդրադարձան Սուրիոյ փոփոխութիւններուն եւ Լիբանանի հետ յարաբերութիւններուն: Անոնք խօսեցան Լիբանան-Սուրիա եղբայրական կապերուն եւ համագործակցութեան խոր յարաբերութիւններուն մասին, մինչ Շարաա ներկայացուց Սուրիան վերակառուցելու եւ վերականգնելու իրենց ծրագրերը:
