Լիբանանեան բանակէն ուժեր երէկ Զահլէի մօտակայ Քուսայա շրջանին մէջ ստանձնեցին Պաղեստինի ազատագրութեան կազմակերպութեան պատկանող բարձրադիր դիրք մը եւ անոր գետնափոր ուղիները: Բանակի հրամանատարութիւնը յայտարարեց, թէ զինուորները նշեալ դիրքին մէջ գտած են զէնք ու զինամթերք, ինչպէս նաեւ զինուորական այլ սարքեր ու գալուստներ: «Այս մաս կը կազմէ ապահովութիւնը պահպանելու եւ Լիբանանի բոլոր շրջաններուն մէջ բանակին ներկայութիւնը ամրապնդելու աշխատանքներուն», նշուեցաւ բանակի յայտարարութեան մէջ:
