Վարչապետի պաշտօնակատար Նեժիպ Միքաթի երէկ այցելեց Խիամ, ուր տեսակցեցաւ վերջերս իսրայէլեան նահանջի ականատես դարձած քաղաքին մէջ տեղակայուած լիբանանեան բանակի զինուորներուն եւ ԵՈՒՆԻՖԻԼ-ի խաղաղապահներուն հետ: Խօսելով զինադադարի խախտումներուն մասին, Միքաթի դիտարկումի յանձնախումբէն պահանջեց ճնշում բանեցնել Իսրայէլի վրայ՝ դադրեցնելու զինադադարի խախտումները: Վարչապետը հարաւի մէջ այցելեց նաեւ խաղաղապահներու արեւելեան կեդրոնակայանը՝ Իպլ էլ-Սաքի գիւղին մէջ, ուր խաղաղապահներու պատասխանաուներուն հետ արծարծեց զինադադարի գործադրութիւնը եւ դիտարկումի աշխատանքները: Իսկ Մաժաայունի բանակի զօրամասը այցելած ատեն Միքաթի շեշտեց, որ զինուորական հաստատութիւնը կը ներկայացնէ Լիբանանի միասնականութիւնը եւ կ’ապացուցէ, որ պատրաստ է կատարելու իրմէ պահանջուած բոլոր պարտականութիւնները:
