Իրմա Գապաքեան-Տէտէեան: Լիբանանահայ բեմերու տաղանդաւոր ասմունքողը ոչ եւս է: Անհաւատալի բօթը կու գար Թորոնթoյէն, ուր քանի մը տարիէ հաստատուած էր ան:
Իրման հայ գիրին ու գրականութեան կարօտ ունկնդիրին հաղորդակից էր բեմերէն եւ «Վանայ Ձայն» ռատիոկայանի գրական յայտագրերէն, ուր իր գեղեցիկ առոգանութեամբ առինքնած էր զինք ունկնդրողները:
«Արարատ» խորապէս կը վշտակցի ողբացեալ արուեստագիտուհիին ընտանիքին, հարազատներուն, գործակիցներուն, եւ ի մասնաւորի անոր ամուսնոյն՝ Մեծի Տանն Կիլիկիոյ Կաթողիկոսարանի երկար տարիներու դիւանապետ եւ բանաստեղծ՝ Խաչիկ Տէտէեանին։
