Սուրիոյ իշխանափոխութենէն ետք Լիբանանի մէջ կոչեր կ’արձակուին եւ լուրեր կը տարածուին իսլամիստ բանտարկեալներու ազատ արձակումին եւ համաներում յայտարարելու հնարաւորութեան մասին: Արդարադատութեան նախարարի պաշտօնակատար Հանրի Խուրի յայտնեց, որ առայժմ որոշում չկայ համաներում յայտարարելու մասին, աւելցնելով որ ինք չի զօրակցիր այդ առաջարկին: Դիտել տալով, որ Դատական խորհուրդը սկսած է ստանալ ազատ արձակումի դիմումներ, Խուրի ժխտեց յառաջիկայ ժամերուն բանտարկեալներ ազատ արձելու մասին տարածուած տեղեկութիւնները:
