Լիբանանեան բանակի հրամանատար զօրավար Ժոզէֆ Սպայից վարժարանի առաջին տարուայ ուսանողներուն հետ հանդիպումի ընթացքին գնահատեց զինուորական ծառայութեան ուղին ընտրելու անոնց որոշումը եւ քննութիւններուն յաջողութիւնը, յիշեցնելով որ սպայ դառնալ կը նշանակէ կրել մեծ պատասխանատուութիւն եւ մատուցել ծառայութիւն, զինուած՝ հաւատարմութեան եւ զոհաբերութեան սկզբունքով: «Լիբանան կը պաշտպանէ երկրին մէջ ապրող յարանուանութիւնները եւ ոչ թէ հակառակը», շեշտեց զօրավար Աուն, ուսանողներուն կոչ ուղղելով առաւելագոյն ջանք թափելու՝ յաջողելու իրենց ընտրած ուղիին մէջ, որովհետեւ զինուորներուն մատուցած ծառայութիւնը անհրաժեշտ է՝ կառուցելու համար Լիբանանի առողջ ապագան:
