ՀԱՃԸՆՑԻ ԱԿԱՆԱՒՈՐ ԳԻՏՆԱԿԱՆԸ – ՊԱՐԻՍ ՄԻՍԱԿԻ ՀԵՐՈՒՆԻ 

Ծննդեան 91-ամեակին առիթով

(17 Դեկտեմբեր 1933, Երեւան – 5 Դեկտեմբեր, 2008 Երեւան)

– Հայազգի բնագէտ-ճարտարագէտ, շողաարհեստագիտական համակարգերու (radio technology), շողաբնագիտութեան, շողաարհեստագիտական, շողաչափումներու, շողաաստղագիտութեան եւ շողաողջագրութեան (radio holography) ոլորտներու մէջ։

– 1957-ին աւարտած է Մոսկուայի ուժագիտական (energetic) համալսարանը: 1968-ին ստացած է արհեստագիտական գիտութիւններու ուսուցչապետի (dotsent) աստիճանը: 1972-ին պաշտպանած է դոկտորական, իսկ 1983-ին՝ փրոֆեսորական աւարտաճառերը, ստանալով համապատասխան կոչում:

– Եղած է աշխարհի շարք մը կաճառներու եւ միջազգային ընկերութիւններու անդամ, ծաւալելով ընդարձակ գիտա-կազմակերպչական գործունէութիւն։

– 1971 թուականին հիմնած եւ մինչ ի մահ ղեկավարած է Հայաստանի  շողաարհեստագիտական չափումներու գիտա-հետազօտական համալսարանը։

– Պարիս Հերունին ծնած է Երեւան մանկավարժներու ընտանիքի մէջ։ Հայրը՝ Միսակ Մաթեւոսի Հերունի, ծնած է 1906 թուականին, պատմական Կիլիկիոյ Հաճընի մէջ։ Մայրը՝ Սեդա Նիկողոսի Ազատեան, Իկտիր քաղաքէն:

– Պարիս Հերունին ամուսնացած էր, ունէր երկու որդի եւ մէկ դուստր։

– Աւարտած է Երեւանի Վալերի Չկալովի անուան թիւ 30 միջնակարգ դպրոցը։ 1951-ին ընդունուած է Մոսկուայի Ուժագիտական համալսարանի շողաարհեստագիտական բաժանմունքը՝ ուսանելով 6 տարի։ 1957-ին, վերադարձած է Հայաստան եւ որպէս շողաբնագիտութեան ճարտարագէտ աշխատանքի անցած է Բիւրականի աստղադիտարանը:

– Պարիս Հերունին ունի շուրջ 353 հրապարակուած գիտական աշխատութիւններ:

Ան երկրագունդի տարբեր կետերու վրայ գտնուող չորս աստղադիտակներու միջոցով հետազօտած է Զօրաց քարերը (Սիւնիքի մարզ) եւ եզրայանգած, որ այն աւելի քան 7500 տարուայ պատմութիւն ունեցող աստղադիտարան է։

– Պարիս Հերունին հիմնած է՝

1) 1960-ին Հայաստանի Գ.Ա. շողաբնագիտութեան եւ էլեկտրոնիքայի համալսարանը Աշտարակի մէջ։

2) 1968-ին շողաբնագիտութեան չափումներու հայկական բաժանմունքը Երեւանի մէջ։

3) 1971 -ին շողաբնագիտութեան չափումներու համամիութենական գիտահետազօտական համալսարանը Երեւանի մէջ, որ 2000 թուականէն կը կոչուի «Ռատիօ-ֆիզիքայի գիտա-հետազօտական համալսարան» (Ռ.Գ.Հ.Հ.):

4) 1972-ին Ռ.Գ.Հ.Հ.-ի «Ալիք» գործարանը Երեւանի մէջ։

5) 1975-ին Ալեհաւաքներու (antenne) պետական չափանշական կեդրոն։ Այժմ Ռ.Գ.Հ.Հ.-ի Արագածի գիտական կեդրոն։

6) 1979-ին Գիտութիւններու թեկնածուի եւ դոկտորի գիտական աստիճաններ շնորհող մասնագիտացուած խորհուրդ Ռ.Գ.Հ.Հ.-ի մէջ, Երեւան։

7) 1983-ին թեկնածուականը (aspirantura) Ռ.Գ.Հ.Հ.-ի մէջ, Երեւան։

8) 1983-ին Ռ.Գ.Հ.Հ. Ալեհաւաքային համակարգերու ամպիոնը Երեւանի Փոլիտեխնիկական համալսարանին մէջ։

– Պարիս Հերունին պարգեւատրուած է՝

1) Աշխատանքային կարմիր դրօշի շքանշանով,

2) Աշխատանքի վեթերանի շքանշանով,

3) Սան Փեթերպուրկի Գիտնականի աստղի շքանշաններով,

4) Ֆրանսայի Արտաքին գործերու նախարարութեան պրոնզէ մետալով,

5) Ռուսաստանի Գիտութիւններու ակադեմիայի Լոմոնոսովի անուան ոսկէ մետալով,

6) Նորին Սուրբ Օծութիւն Տ.Տ. Վազգէն Ա.-ի արծաթէ մետալով,

7) Հ.Հ. Գիտութիւններու Ա.Ա. ոսկէ, Հ.Հ. Կրթութեան եւ գիտութեան նախարարութեան ոսկէ մետալով,

8) Հ.Հ. Պետական Ճարտարագիտական համալսարանի ոսկէ մետալով,

9) Հայաստանի Արհմիութիւններու Համադաշնակցութեան ոսկէ մետալով,

10) Գիտութեան ոլորտին մէջ Հայաստանի եւ Խ.Ս.Հ.Մ. պետական մրցանակներով։