Հռոմի Ֆրանչիսկոս պապը իր «Յոյս» խորագրուած յուշերուն մէջ բացայայտեց, թէ 2021-ին մահափորձի ենթարկուած է Իրաք կատարած այցելութեան ընթացքին: Ան պատմեց, որ Մուսուլ այցելութեան ընթացքին բրիտանական հետախուզական ծառայութենէն տեղեկութիւններ ստացած են, որ կին մը կը պատրաստուի անձնասպանական գործողութիւն գործելու, միաժամանակ ականուած բեռնակառք մը ուղարկուած է իրականացնելու մեծ պայթում: Ըստ Պապին, յետոյ Իրաքի ոստիկանութենէն տեղեկացուցած են ականուած ծրարները վնասազերծելու մասին:
