Ռուսիոյ արտաքին գործերու նախարարի տեղակալ Սերկէյ Ռիապքով պատրաստակամութիւն յայտնեց ամերիկեան կողմին հետ արծարծելու յարաբերութիւններու բնականոնացումի թղթածրարը, սակայն դիտել տուաւ, թէ տակաւին պատասխան չեն ստացած Ուաշինկթընի մէջ Ռուսիոյ նոր դեսպանի նշանակումին առնչութեամբ: Խօսելով Ուքրանիոյ պատերազմին եւ Քիեւին տրամադրուած արեւմտեան աջակցութեան մասին, Ռիապքով ահազանգեց, թէ «Արեւմուտքը վտանգ կը սպառնայ մեր սահմանին եւ այդ կրնայ առաջնորդել մեր կողմէ հիւլէական զէնքի գործածութեան քննարկումին»:
