Քաղաքական մեկնաբանութիւններուն մէջ, Իրանի իսլամական յեղափոխութեան հոգեւոր գերագոյն առաջնորդ այաթոլլա Ալի Խամինէի անուղղակի նշում կատարեց Թուրքիոյ, երբ ըսաւ, թէ «Սուրիոյ հարեւաններէն մէկը յստակ դեր խաղցաւ երկրին մէջ անցնող օրերուն տեղի ունեցած իրադարձութիւններուն մէջ, սակայն ծրագրաւորումը տեղի ունեցած էր ամերիկեան եւ իսրայէլեան գործողութիւններու կեդրոններուն մէջ»: Անոր համաձայն, այս մասին կան յստակ փաստաթուղթեր: ՄԱԿ-ի ընդհանուր քարտուղար Անթոնիօ Կութերեշ վստահութիւն յայտնեց, որ սուրիացիները կարողութիւն ունին վճռելու իրենց ճակատագիրը, առանց արտաքին միջամտութիւններու: Միացեալ Նահանգներու նորընտիր նախագահ Տոնըլտ Թրամփ յայտնեց, որ «սուրիացիները պէտք է իրենք զիրենք պաշտպանեն, որովհետեւ մենք այնտեղ դերակատարութիւն չունինք»: Ամերիկացի երկու գոնկրէսականներ իրենց կարգին կոչ ուղղեցին չեղարկելու Սուրիոյ նկատմամբ սահմանուած պատժամիջոցներուն մէկ մասը՝ թեթեւցնելու համար տնտեսութեան վրայ բանեցուած ճնշումը: Ամերիկեան Արտաքին գործերու նախարարութիւնն ալ նշեց, որ նախարար Անթոնի Պլինքըն արաբ շարք մը գործընկերներու հետ քննարկած է Սուրիոյ իրադարձութիւնները: Ռուսիոյ Արտաքին գործերու նախարարութիւնը նշեց, որ հաղորդակցութեանց խողովակները բաց կը պահէ Սուրիոյ մէջ գործող քաղաքական բոլոր ուժերուն հետ:
Իսկ Հռոմի Ֆրանչիսկոս պապը յայտնեց, որ կ’աղօթէ սուրիացիներու խաղաղութեան եւ անվտանգութեան համար, մաղթելով որ զանազան կրօններու ներկայացուցիչները կարենան Սուրիոյ մէջ իրար հետ ապրիլ փոխադարձ յարգանքով եւ համերաշխութեամբ:
Քաղաքական մեկնաբանութիւններուն մէջ, Իրանի իսլամական յեղափոխութեան հոգեւոր գերագոյն առաջնորդ այաթոլլա Ալի Խամինէի անուղղակի նշում կատարեց Թուրքիոյ, երբ ըսաւ, թէ «Սուրիոյ հարեւաններէն մէկը յստակ դեր խաղցաւ երկրին մէջ անցնող օրերուն տեղի ունեցած իրադարձութիւններուն մէջ, սակայն ծրագրաւորումը տեղի ունեցած էր ամերիկեան եւ իսրայէլեան գործողութիւններու կեդրոններուն մէջ»: Անոր համաձայն, այս մասին կան յստակ փաստաթուղթեր: ՄԱԿ-ի ընդհանուր քարտուղար Անթոնիօ Կութերեշ վստահութիւն յայտնեց, որ սուրիացիները կարողութիւն ունին վճռելու իրենց ճակատագիրը, առանց արտաքին միջամտութիւններու: Միացեալ Նահանգներու նորընտիր նախագահ Տոնըլտ Թրամփ յայտնեց, որ «սուրիացիները պէտք է իրենք զիրենք պաշտպանեն, որովհետեւ մենք այնտեղ դերակատարութիւն չունինք»: Ամերիկացի երկու գոնկրէսականներ իրենց կարգին կոչ ուղղեցին չեղարկելու Սուրիոյ նկատմամբ սահմանուած պատժամիջոցներուն մէկ մասը՝ թեթեւցնելու համար տնտեսութեան վրայ բանեցուած ճնշումը: Ամերիկեան Արտաքին գործերու նախարարութիւնն ալ նշեց, որ նախարար Անթոնի Պլինքըն արաբ շարք մը գործընկերներու հետ քննարկած է Սուրիոյ իրադարձութիւնները: Ռուսիոյ Արտաքին գործերու նախարարութիւնը նշեց, որ հաղորդակցութեանց խողովակները բաց կը պահէ Սուրիոյ մէջ գործող քաղաքական բոլոր ուժերուն հետ:
Իսկ Հռոմի Ֆրանչիսկոս պապը յայտնեց, որ կ’աղօթէ սուրիացիներու խաղաղութեան եւ անվտանգութեան համար, մաղթելով որ զանազան կրօններու ներկայացուցիչները կարենան Սուրիոյ մէջ իրար հետ ապրիլ փոխադարձ յարգանքով եւ համերաշխութեամբ:
