Անցնող ամիսներուն երկրին մէջ տիրող ապահովական մտահոգիչ մթնոլորտը պատճառ դարձած էր մարզա-մշակութային եւ այլ բնագաւառներու ակամայ տեղքայլին: Ուրախ ենք յայտնելու, որ անոր փարատումով ստեղծուած անդորրէն քաջալերուած, շատ շուտով պիտի վերսկսին Նոր Սերունդ Մշակութային Միութեան «ԱՐԵԳ»՝ մեծերու եւ կրտսերներու պարախումբերուն փորձերը:
Փորձի թուականներուն, ինչպէս նաեւ յաւելեալ մանրամասնութիւններուն համար, նոր վարչութեան ներկայութեամբ տեղի պիտի ունենայ պարախումբի հին եւ նոր անդամներուն եւ անոնց ծնողաց հետ ծանօթացման հանդիպում մը Ուրբաթ, 20 Դեկտեմբեր 2024-ի երեկոյեան ժամը 6-ին, Նոր Հաճնոյ Հ.Կ.Բ.Մ.-ի դարմանատան սրահին մէջ:
Սիրով կը հրաւիրենք «ԱՐԵԳ» պարախումբի անդամները, ինչպէս նաեւ բոլոր անոնք, որոնք նոր կ’ուզեն միանալ պարախումբին, խանդավառութեամբ վերսկսելու համար պարարուեստը պատանիիին սեփականութիւնը դարձնելու միտող գործունէութեան:
Ն.Ս.Մ.Մ.ի «ԱՐԵԳ» ՊԱՐԱԽՈՒՄԲԻ ՅԱՆՁՆԱԽՈՒՄԲ
