Սրտի խոր ցաւով իմացանք գաղափարական եւ հաւատաւոր հնչակեան ընկեր Զարեհ Պասթաճեանի մահը, որ պատահած է Միացեալ Նահանգներու մէջ:
Հանգուցեալը փոքր տարիքէն անդամակցած էր Ս.Դ.Հնչակեան Կուսակցութեան շարքերուն Պէյրութի մէջ, իր ջանքերը առաւելաբար կեդրոնացնելով Ս.Դ.Հ.Կ.-ի երիտասարդական, ինչպէս նաեւ Հ.Մ.Մ.ի սկաուտական բաժիններուն մէջ:
Շրջանաւարտ է Հայաստանի Քարլ Մարքսի անուան «Փոլիթեքնիքական» համալսարանէն որպէս ելեկտրագէտ:
Պէյրութէն Ա.Մ.Ն. գաղթելով նախ հանգրուանած է Անգլիա եւ եղած է Լոնտոնի Հ.Մ.Մ.-ի սկաուտական շարժման հիմնադիրը:
Վերջին տասնամեակին վերադառնալով հայրենիք հաստատուած է Հայաստանի Արինջ շրջանին մէջ:
Բուժման ենթարկուելու նպատակով կը մեկնի Ա.Մ.Ն., ուր Ուրբաթ, 6 Դեկտեմբեր 2024-ին, կանգ կ’առնէ հայրենասիրութեամբ եւ հնչակեան գաղափարներով զեղուն անոր յոգնաբեկ սիրտը:
Խունկ եւ աղօթք ընկեր Զարեհ Պասթաճեանի անմառ յիշատակին:
