Ռուսիոյ նախագահութիւնն ու Արտաքին գործերու նախարարութիւնը յայտարարեցին, թէ Պաշշար Ասատ բանակցութիւններէ ետք որոշած է լքել դիրքը եւ ուղղուիլ Ռուսիա, ուր արդէն ապաստանած էին ընտանիքին անդամները: Մոսկուա աւելի ուշ յայտարարեց Ասատին քաղաքական ապաստանի կարգավիճակ տրամադրելու որոշումը: Իսկ Ռուսիոյ արտաքին գործերու նախարար Սերկէյ Լաւրով վստահեցուց, որ Մոսկուա չէ մասնակցած Սուրիոյ մէջ իշխանափոխութեան բանակցութիւններուն: Ան կոչ ուղղեց հարցերը լուծելու խաղաղ միջոցներով ու զերծ մնալու բռնարարքներէն: Իսկ Սուրիոյ զինուորական գործողութեանց տնօրէնութիւնը նաեւ համաներում շնորհեց սուրիական բանակին մէջ պարտադիր զինուորական ծառայութիւն կատարողներուն, արգիլելով անոնց նկատմամբ որեւէ ոտնձգութիւն:
