Սուրիոյ հիւսիսային շրջաններուն մէջ ծաւալած իրադարձութիւններու լոյսին տակ, Բերիոյ հայոց թեմի առաջնորդ Տէր Մակար արք. Աշգարեան տեսակցութիւն ունեցաւ հալէպահայ կազմակերպութիւններու, միութիւններու եւ Ազգային իշխանութեան ներկայացուցիչներուն հետ: Սրբազանը բացատրեց, որ ընդդիմադիր ուժերը խոստացած են դրական վերաբերիլ փոքրամասնութիւններուն նկատմամբ, չմիջամտել անոնց ներքին կեանքին եւ ազատութիւն շնորհել անոնց՝ պահպանելու իրենց մշակութային իւրայատկութիւնը: Առաջնորդ սրբազանը ուստի հալէպահայութեան կոչ ուղղեց խուճապի չմատնուելու եւ այս զգայուն փուլին զուսպ մնալու:
